Tl ann 2012 les trëi lies da munt dla Val Badia, y plü avisa la Lia da Munt Avs La Val, la Lia dai Crëp Avs Mareo y la Lia da Munt Cai Val Badia, se à metü adöm te na unica lia, la Lia da Munt Ladinia Val Badia, colaboran insciö adöm al program y al' ativité.

 I fins dla Lia da Munt Ladinia Val Badia é:

• de abiné adöm te na uniun düć i apascioná dles munts y dla natöra dla Val Badia;
• de mëte a jì y organisé iadi y escursciuns sö por munt, tó iniziatives y organisé cursc de formaziun por curé y svilupé la segurëza, la tecnica, la ligrëza y la pasciun por le jì sö por munt y tla natöra;
• de se nen tó sö y de curé le patrimone teritorial, cultural y ambiental de nüsc raiuns;